يوميات مع أمى

السلام عليكم و رحمة الله و بركاتة






فى البداية اشكركم جميعاً كل الشكر
فى تعليقاتكم فى الموضوع السابق
فكم كانت مهمة بالنسبة لى جداً
اليوم موضع فريد من نوعة على و عليكم

هذا ما حدث ......
فى يوم من الايام عدت إلى البيت و كنت مرهقة
من يوم شاق فى الدروس و لم يكن هناك أحداً
فى البيت غير أمى فأستقبلتى استقبال لن انساه
أبداً مدى حياتى ..
حيث اخذتنى فى حضنها و قبلتنى و قالت لى :
انها تحبنى كثييييييراً لدرجة لا اتخيلها فى البداية
كان الأمرغريب لم يحدث من قبل
فقلت فى هزار : ماذا تريدين الحنية دى وراها حاجة ؟؟
ابتسمت و قالت : أبداً إلا انى قرأت كتاب يتكلم عن
علاقة البنت بامها و مما قرأت انها لا بد ان تعبر لها عن
مدى حبها و ان الأنسان مثل زجاجة عطر رائحتها جميلة
و لكن و هى مغلقة تحمل جمل رائحتها بداخلها و بعد فتحا
تظهر رائحتها العطرة فيستمتع الجميع بها
فقررت أمى الغالية ............ما يلى
ان تكتب لى كل يوم ورقة و تضعها فى حقيبة المدرسة
و انا ابحث عنها يومياً و أقرأها و فى مضمونها
نصيحة أو دعاء .............................إلخ

بصراحة أحببت الفكرة جداً و قررت أن اكتبها فى المدونة

ليس فقط للنشر و لكن لعبر لها عن مدى حبى لها و اشكرها

شكراً يشهده الناس و اقول

أنها ليست أمى فقط

بل صديقتى الغالية و المخلصة فى

أحن ام فى الوجود و أخلص صديقة عرفتها

حقاً حقاً حقاً .......


هامش ............. مر يومان على الموضوع
و كان أول يوم الرسالة هى ....
حبيبتى حفظك الله و رعاك
و التانى .....
صباحك جميل يا سلسبيل
و انت فى ذمة الله لأنك صليتى الفجر اليوم
و ياريت كل يوم

يارب فرج همى فانت المعين


يوم شاق فى البرد

أهلاً بكم زوار مدونتى اكتب لكم فى عز الشتاء


البارحة كان يوم شاق فى بداية اليوم


لم أستطيع الذهاب إلى المدرسة بسبب المطر

فكان أغزر من أى مرة رأيتة و لكن كان لابد أن أذهب

إلى الدروس فكان هذا اليوم عندى

ثلاث دروس اتصلت بصديقتى حتى أعرف منها

متى ستأتى لنذهب إلى الدروس فقالت

انا جاية فى الطريق و كان المطر وقتها

غزير و كانت تمطر ثلج و أنتظرتها

و جات صديقتى كل ملابسها مبتلة

و قررت أن تعود إلى بيتها و كان بيتها بعيد

فأعطتها من ملابسى و قررنا الأتصال بأول

أستاذ فقال ان فى درس عادى و هو بإنتظارنا

و اسرعنى للركوب و كانت المواصلات

صعبة جداً و كلة بيقول نفسى

و فى النهاية وصلنا بعد صعوبا للوصول

للدرس و كان الاستاذ مصاب بالبرد

فلم نأخذ حصة و فضلنا نشوف المواعيد الى


تناسبنا علشان فى بنات كنت المواعيد

مش مناسباها لم نجلس أكتر من نصف ساعة

و كان المفترض اننا نخرج من الدرس على درس

تانى فكان فى فرق فى الوقت كبير

و كان المطر أكتر من غزير

فخرجنا و أتصلنا بالاستاذ التانى

فقرر ان ما فيش درس و لكن كان هناك مشكلة

ان فى درس تالت و مكنش ينفع أرجع

و أروح الدرس تانى بسبب المواصلات فاتصلت

بالمدرس التالت فقال فى درس و هو شغال مع المجموعة

التانية دلوقتى ولازم نيجى علشان الحصة مهمة جداً فلم يكن

امامنا إلى الأنتظار فى الشارع فى عز المطر والبرد و ذهبنا

لشراء طعام وذهبنا للموقف مشياً على الاقدام

حتى وصلنا و بعدها شربنا عصير وكان البائع لا يصدق

و نظر نظرة غريبة جداً و قررنا نروح الدرس مشى

لكن كان بعيداً بس قلنا حنعم أية و كل دى و المطر شغال

و ما كنش فى حد فى الشوارع

حتى الى فى الشارع كان ينظر إلينا نظرة غريبة

مشينا شوية و بعدين قررنا نرجع الموقف علشان الوقت مش

حيسعفنا و رجعنا تناى و ركبنا و بعدها كملنا للدرس

و طبعاً كان لسة بدرى حوالى نصف ساعة

حلسنا أمام الدرس حتى أنها الاستاذ الحصة

و دخلنا و لكن كانت أفضل حصة مرت على

و بعد الحصة أفتكرت ان فى درس رابع

بعد دى و كان لى صديقة عندها درس تانى فى

نفس المكان انتظرتها و أتصلت بأخى يرسل لى كتب

الدرس التانى فى الدرس بعد نصف ساعة و فعلاً خرجت

صديقتى و ذهبنا إلى الموقف و منها إلى المكان التانى للدرس

فأوصلتنى إلى الدرس و قالبلنا أخى فى الطريق

و عندما وصلت سألنى الاستاذ عن تأخيرى

كنت قد تجمددت أصابعى و ملابسى جميعها مبتلة فقلات

بسبب المواصلات و كنت أكتب المسأل ووقع القلم من يدى

فقال ( لسة بدرى على الرعاش انتم شباب لسة )

انتهت الحصة و كان بيت ليس بعيدعن الدرس و ذهب إلى بيتى

و ذهب إلى سريرى و نمت ولم أستيقظ إلى فى اليوم التالى

و لكن رغم كل هذا فهو كان يوم راااائع فى حياتى

أشكر لكم حسن المتابعة



عام هجرى سعيد 1432هـ

السلام عليكم ورحمة الله و بركاتة

اشكرك زوار مدنتى على تعليقاتكم فى الموضوع السابق

و اهنئكم بحلول هذا العام الهجرى الجديد

اعادة الله علينا و على الأمة الاسلامية

بالخير و البركات
كل عام و انتم إلى الله أقرب

شفافية و نزاهة الأنتخابات

أهلاً بكم زوار مدونتى الكرام
اكيد الكل متابع الحركة السياسية فى مصر

سواء كان مصر او لا فالعالم كلة بتفرج على

الى فيه مصر و شعب مصر و انتخابات مصر



بسم الله ما شاء الله منتهى الشفافية لدرجة ان

احنا بندى صوتنا لحد و يروح لحد تانى سبحان الله

حال نحسد عليه مش عارفه أقول اية على الى بيحصل

كل دى بيحصل و بردوا ولا كأن فى حاجة حصلت و كأن الأنتخابات

كانت بجد نزيهه وفى منتهى الشفافية السادة المرشحين الذين تم التزوير
لصالحهم بيشكروا الشعب على انتخابهم مش عارفة
هما المفروض يشكروا مين ؟؟؟؟
بس ارجع و أقول ليهم حق يشكرونا على الصمت و الخوف
الى خلتنا نحيهم من الشبابيك
و نقولهم مبروووووووووك على النجاح المسلوب !!
ان رضى الشعب بالتزوير فلن يرضى الله ورسوله عن ذلك
عن عبد الله بن سمرة قال :
(قال النبى - صلى الله علية و سلم - يا عبد الرحمن بن سمرة
لا تسأل الإمارة فإنك إن اعطيتها عن مسألة و كلت إليها
(رواة البخارى )
و فى النهاية هذا فيديوا يبين مدى شفافية الأنتخابات فى مصر
فى الأجواء الأخيرة